Англиянинг «Манчестер Сити» клуби бош мураббийи Мануэль Пеллегрини жамоасининг янги мавсумдаги режалари билан ўртоқлашди.
«Манчестер Сити» мамлакат чемпионлигини қўлга киритгани клуб тарихидаги энг муҳим воқеалардан бир бўлган. Биз ушбу натижани такрорлашга ҳаракат қиламиз. Аммо биз биргина чемпионлик билан чекланиб қолмоқчи эмасмиз. Ўзимиз иштирок этадиган барча турнирларда ғалаба қозонишни истаймиз».
«Премьер-лигада биринчи ўрин учун кураш олиб борадиган тахминан олтита жамоа бор. Аммо барчасидан энг муҳими бу «МЮ»ни ортда қолдириш бўлишини биламан. Мен шу ердаман, сабаби «МЮ»ни ортда қолдиришимизга ишонаман».
«Дэвид Мойес ўз ишининг устаси эканини ҳамма билади. Жозе Моуриньо эса премьер-лига ҳақида ҳамма нарсани билади. Шундай экан чемпионат жуда қизғин ўтишига кафолат бор», дейди Пеллегрини.