"Барселона" ярим ҳимоячиси Гави ўнг тиззасининг мениск қисмида жарроҳлик амалиётини ўтказди, дея хабар берди каталонияликлар матбуот хизмати. Хавбек тахминан 5 ойни ўтказиб юборади.
"Гавига медиал мениск жароҳати учун артроскопия ўтказилди. Менискни сақлаб қолиш учун чок қўйилди. Тикланиш вақти тахминан 4-5 ой деб баҳоланмоқда," - дейилади клуб баёнотида.
Аввалроқ, 21 ёшли испаниялик футболчи 2023 йилда хочсимон боғламлари узилганидан кейин ўнг тиззасида оғриқ ҳис қилган.
Гави 2025/26 йилги мавсумда 2 та ўйинда майдонга тушди ва 1 та голли узатмани амалга оширди. Кейин у "Райо Вальекано"га қарши ўйинни ва Испания терма жамоасининг ЖЧ-2026 саралашидаги ўйинларини ўтказиб юборди.
