Франко Мастантуоно илк бор Мадриднинг "Реал" клубида гол урди. Аргентиналик футболчининг дебют голи Ла Лиганинг 6-туридан ўрин олган "Леванте"га қарши ўйинда киритилди. Opta хабарига кўра, 18 ёш-у 40 кунлик Мастантуоно "қаймоқранглилар" сафида ўтган йилнинг августида 18 ёш-у 35 кунлигида гол урган Эндрикдан кейин 21-аср бошидан буён чемпионатдаги иккинчи энг ёш гол урган футболчига айланди.
Франко Мастантуоно ўтган ойда "Ривер Плейт"дан 45 млн евро эвазига "Реал"га ўтган эди. Бугунги ўйин янги юлдуз учун Мадрид гранди таркибидаги олтинчи учрашув бўлди.
