Душанба куни Парижда "Олтин тўп"ни топшириш маросими бўлиб ўтди. Соврин "ПСЖ" шарафини ҳимоя қилаётган франциялик Усмон Дембелега насиб этди. Соврин учун асосий даъвогарлардан бири саналган Рафинья Диас овоз бериш натижаларига кўра, бор-йўғи бешинчи бўлгани кўпчиликни ҳайрон қолдирди.
Тадбир давомида натижалар маълум бўлгач, бразилиялик футболчини қўллаб-қувватловчи сўзлар билан мухлислардан бири мурожаат қилди: "Мен учун "Олтин тўп"нинг ҳақиқий соҳиби сенсан. Бешинчи ўрин - мутлақ ўғрилик," - дея мухлиснинг сўзларини келтиради Barca Universal.
Рафиньядан юқорироқда унинг жамоадоши Ламин Ямал, "ПСЖ" хавбеки Витинья ва "Ливерпуль" ҳужумчиси Муҳаммад Салоҳ бор эди.
