Юго Экитике "Саутгемптон"га (2:1) қарши ўйинда майдондан четлатилгани учун узр сўради.
85-дақиқада "Ливерпуль" форварди Англия Лига кубогининг 3-раундида урган голидан кейин либосини ечиб, иккинчи сариқ карточкани олди.
"Бугун Лига кубогидаги илк ўйинимда жамоамга ўз уйида навбатдаги ғалабани қўлга киритишда ёрдам берганимдан жуда хурсанд бўлдим. Ҳиссиётлар устун келди.
Бутун "қизиллар" оиласидан узр сўрайман. Бизни доимо қўллаб-қувватлаб келаётган мухлислар ва жамоадошларимга ғалаба учун раҳмат. Олға, "Қизиллар," - деб ёзди Экитике.
