"Ал-Ҳилол"нинг бразилиялик қанот ҳужумчиси Малком Европага кўчиб ўтиши мумкин.
Инсайдер Экрам Конурга маълум бўлишича, номаълум харидорлар 28 ёшли бразилиялик футболчининг трансфери учун тахминан 25 миллион евро таклиф қилишга тайёр. Битим қишки трансфер ойнасида расмийлаштирилиши мумкин.
Саудия Арабистони чемпионатининг жорий мавсумида Малком 3 та ўйин ўтказиб, 3 та гол ва 2 та голли узатмани ўз ҳисобига ёздириб қўйди. "Ал-Ҳилол" ва ҳужумчи ўртасидаги амалдаги меҳнат шартномаси 2027 йилнинг ёзида якунига етади.
