Ўтмишда машҳур бўлган франциялик ҳужумчи Жан-Пьер Папен "Олтин тўп-2025" натижалари ҳақида гапирди. Журналистларнинг овоз бериш натижаларига кўра, нуфузли мукофотни "ПСЖ" вингери Усмон Дембеле қўлга киритди.
"Мукофотни қўлга киритганидан сўнг, Дембеле учун энг қийин давр бошланади. У ўз зиммасига катта масъулият олди. Энди унинг ўйинига янада синчковлик билан қаралади. Унга қарши энди илгаригидек ҳаракат қилишмайди," - дея собиқ футболчининг сўзларини RMC Sport келтиради.
"Олтин тўп"ни топшириш маросими 22 сентябрь куни бўлиб ўтди. Биринчи ўринни Дембеле, иккинчи ўринни Ламин Ямал, учинчи ўринни Витинья эгаллади.
