УЕФА Чемпионлар лигаси умумий босқичининг 2-тури доирасида Қозоғистоннинг "Қайрат" клуби ўз майдонида Мадриднинг "Реал" клубини қабул қилади. Мезбонлар матбуот хизматининг маълум қилишича, бўлажак учрашув учун барча чипталар сотиб бўлинган.
Жамоалар ўртасидаги баҳс 30 сентябрь, сешанба куни Олма-отадаги стадионда бўлиб ўтади.
"Қайрат" нуфузли мусобақанинг янги мавсумини муваффақиятсиз бошлади. Чемпионлар лигасининг 1-турида қозоғистонликлар сафарда Лиссабоннинг "Спортинг" жамоасига йирик 1:4 ҳисобида мағлуб бўлди. "Реал"га келсак, Хаби Алонсо шогирдлари турнирни ғалаба билан бошлади. "Сантьяго Бернабеу"да мадридликлар "Марсель"ни 2:1 ҳисобида мағлуб этди.
