"Барселона" ярим ҳимоячиси Гави тиззасидан операция қилинди. Шифокорлар тахминан тўрт-беш ойлик тикланишни тахмин қилишмоқда, аммо футболчининг ўзи тезроқ тикланмоқчи.
Ижтимоий тармоқларда хавбек касалхона палатасида Рональд Араухо, Педри ва Ламин Ямал билан бирга тушган суратини эълон қилди ва барчани қўллаб-қувватлагани учун миннатдорчилик билдирди.
- Одамлар билади: мен "Барса" ва ўзимга тегишли нарсаларни охиригача ҳимоя қилиш учун қанча керак бўлса, шунча марта қайтаман. Ҳақиқий чемпион муваффақиятли лаҳзаларда эмас, балки муваффақиятсизликлардан кейин кўтарила олиш қобилиятида намоён бўлади," - деб ёзди хавбек.
