"Барселона" узоқ муддатли истиқболда ҳужум чизиғида Роберт Левандовскининг ўрнини боса оладиган футболчи қидирмоқда. Германиянинг Bild нашри хабарига кўра, "кўк-анорранглилар" бош мураббийи Ханс-Дитер Флик жамоада "Боруссия"дан Серу Гирассини кўришни истамоқда.
Қайд этилишича, 29 ёшли Гирассининг трансфери "Барселона"га тахминан 100 миллион еврога тушиши мумкин.
Шу билан бирга, "Барселона" президенти Жоан Лапорта Гирассининг трансферига унчалик қизиқмаяпти. Клуб раҳбари ҳужум чизиғига мавқеи баландроқ футболчи келишини истамоқда.
Дарвоқе, Серу Гирасси Рафинья билан бирга Чемпионлар лигасининг ўтган мавсумида энг яхши тўпурар бўлди (13 тадан гол).
