"Ювентус" ҳужумчиси Душан Влахович "Бавария"га ўтиши мумкин. Сербияликнинг амалдаги шартномаси келаси ёзда ўз ниҳоясига етади ва узайтирилиши даргумон. Bayern & Germany хабарига кўра, мюнхенликлар "кекса синьора" форвардини қизиқишлар рўйхатига киритган. Бундеслига гранди раҳбарияти футболчини эркин агент сифатида қўлга киритиш имкониятини кўриб чиқмоқда.

Аввалроқ, "Бавария" Душан Влаховичга қизиқиш билдирганди. Жорий мавсумда 25 ёшли футболчи "Ювентус" сафида 5 та баҳсда 4 та гол ва 1 та ассистни ўз ҳисобига ёздириб қўйди. Ҳужумчининг Transfermarkt сайтидаги нархи - 35 млн евро.