Ўтмишда машҳур бўлган бразилиялик футболчи Вампета "Сантос" ҳужумчиси Неймарнинг ЖЧ-2026 учун Бразилия терма жамоасига чақирилиши мумкинлиги ҳақида гапирди.
Мутахассиснинг фикрича, ҳужумчи терма жамоага таклиф олиш учун кўп меҳнат қилиши керак.
"Ҳаммаси фақат унга боғлиқ. Ҳозир у терма жамоадан жуда узоқда. Аммо агар у машқ қилса ва 70 фоиз тайёр бўлса, терма жамоадаги барча 100 фоиз тайёр бўлганлардан яхшироқ бўлади," - дея Вампетанинг сўзларини келтиради Globo Esporte.
Неймар сўнгги марта 2023 йилда Бразилия терма жамоаси либосида майдонга тушганди. "Барселона"нинг собиқ футболчиси терма жамоа сафида жами 128 та ўйин ўтказиб, 79 та гол урган ва 59 та голли узатмани амалга оширган.
