"Манчестер Юнайтед"нинг бош мураббийи Рубен Аморим ярим ҳимоячи Кобби Майнуга ишонишни давом эттирмоқда.
20 ёшли футболчи "қизил иблислар" таркибидаги ўрнини йўқотди - у португалиялик мураббийнинг тактик тизимига тўлиқ мос келмаяпти. Шунга қарамай, UtdDistrict хабар беришича, мутахассис хавбекни Бруно Фернандеш билан бирга майдон марказида ўйнаши учун ҳимоя ҳаракатлари устида фаол иш олиб бормоқда. Аморим ёш инглиз футболчисининг маҳоратини қадрлаб, ҳозирги камчиликларга қарамай, унинг жамоасида истиқболи борлигига ишонади.
Ёзда Кобби Майну кўпроқ ўйин амалиёти олиш учун ижарага кетмоқчи эди. Клуб ривожланиб бораётган юлдузни қўйиб юбормади, аммо эҳтимолий хайрлашув ҳақидаги миш-мишлар ҳамон тинмаяпти.
