"Барселона" марказий ҳимоячиси Пау Кубарси "Реал Овьедо" устидан қозонилган ғалабадан сўнг (3:1) жамоадоши Гавига мурожаат қилди.

Ўйиндан бироз олдин 21 ёшли ярим ҳимоячи тиззасидан олган жароҳати туфайли йилнинг қолган қисмида майдонга туша олмаслиги маълум қилинганди.

У операция қилинди ва унинг реабилитацияси тахминан 4-5 ой давом этиши кутилмоқда.

"Гавига айтмоқчиманки, биз у биланмиз. "Барселона" - катта оила ва у ҳақиқий жангчи ва у ҳар доимгидек қайтади. Биз уни интиқлик билан кутамиз", - дея Кубарсининг сўзларини келтиради Barca Universal.