"Монако" ярим ҳимоячиси Поль Погба жамоадоши Такуми Минаминога қойил қолди.
"У машғулотларга биринчи бўлиб келади ва энг охирида кетади. У футболни яхши кўради, лекин жуда интизомли. Мен ундан ўрганишим керак. Унинг майдондаги ақлли ҳаракатлари ўйинни қанчалик чуқур тушунишини кўрсатади," - дея Погбанинг Минамино ҳақидаги фикрларини келтиради инглиз ОАВ.
Француз ўтган ёзда монегасклар сафига қўшилди, аммо узоқ танаффусдан сўнг формасини тиклашда давом этаётгани учун ҳали дебют қилмади.
Такуми Минамино 2022 йилда "Ливерпуль"дан "Монако"га ўтган эди. Япониялик футболчи Франция жамоаси сафида 105 та ўйинда 21 та гол ва 17 та голли узатмани амалга оширган.
