Грэм Поттер Лондоннинг "Вест Хэм" клуби бош мураббийлигидан истеъфога чиқарилди. Бу ҳақда "болғачилар" матбуот хизмати хабар бермоқда.
"Жамоанинг ўтган мавсумнинг иккинчи ярми ва 2025/26 йилги мавсум бошидаги натижалари ва ўйинлари кутилганидек бўлмади ва директорлар кенгаши жамоанинг Премер-лигадаги мавқеини имкон қадар тезроқ яхшилашга ёрдам берадиган ўзгаришлар зарур деб ҳисоблайди," - дейилади клуб баёнотида.
Шу билан бирга, директорлар кенгаши Поттер ва унинг штабига амалга оширилган ишлар учун миннатдорчилик билдириб, уларга келажакда муваффақиятлар тилади.
50 ёшли Поттер жорий йилнинг январь ойидан буён "Вест Хэм"ни бошқариб келаётган эди. Айни пайтда жамоа хавфли зонада бормоқда ва АПЛда уч очко билан 19-ўринни эгаллаб турибди.
