"Бавария"нинг 23 ёшли франциялик ҳужумчиси Майкл Олисе Англия Премьер-лигасининг икки етакчи клуби эътиборини тортмоқда. Бу ҳақда инсайдер Кристиан Фальк маълум қилди.
Манба хабарига кўра, Олисега "Ливерпуль" ва "Манчестер Сити" клублари қизиқиш билдирмоқда. Айтилишича, агар футболчи учун таклиф 100 миллион евродан ошса, "Бавария" уни кўриб чиқиши мумкин. Бироқ ҳозирги вақтда "Бавария" барибир вингерни жамоада сақлаб қолишни ва у билан янги шартнома тузишга уринмоқда.
Жорий мавсумда Олисе барча мусобақаларда саккизта ўйинда иштирок этиб, тўртта гол урди ва тўртта гол узатмасини амалга оширди.
