Англия Премьер-лигасида 6-турнинг биринчи ўйин куни якунига етди. Сўнгги баҳсда "Тоттенхэм" "Вулверхэмптон"га қарши учрашувда Жоау Палиньянинг 94-дақиқадаги аниқ зарбаси эвазига мағлубиятдан қутулиб қолди. Шанба кунги еттита ўйинда 90-дақиқада ёки ундан кейин саккизта гол урилди - бу бир ўйин кунида АПЛ тарихидаги рекорд кўрсаткичдир, деб ёзади Opta.

Юқорида тилга олинган "шпорлар"дан ташқари, ўйин охирида "Брентфорд" ("Манчестер Юнайтед"га қарши), "Кристал Пэлас" ("Ливерпуль"га қарши), "Борнмут" ("Лидс"га қарши), "Манчестер Сити" ("Бёрнли"га қарши икки марта) ва "Брайтон" ("Челси"га қарши икки марта) гол уришга муваффақ бўлди.