Angliya Premyer-ligasida 6-turning birinchi o‘yin kuni yakuniga yetdi. So‘nggi bahsda "Tottenxem" "Vulverxempton"ga qarshi uchrashuvda Joau Palinyaning 94-daqiqadagi aniq zarbasi evaziga mag‘lubiyatdan qutulib qoldi. Shanba kungi yettita o‘yinda 90-daqiqada yoki undan keyin sakkizta gol urildi - bu bir o‘yin kunida APL tarixidagi rekord ko‘rsatkichdir, deb yozadi Opta.
Yuqorida tilga olingan "shporlar"dan tashqari, o‘yin oxirida "Brentford" ("Manchester Yunayted"ga qarshi), "Kristal Pelas" ("Liverpul"ga qarshi), "Bornmut" ("Lids"ga qarshi), "Manchester Siti" ("Byornli"ga qarshi ikki marta) va "Brayton" ("Chelsi"ga qarshi ikki marta) gol urishga muvaffaq bo‘ldi.
