Шанба куни "Сандерленд" Премьер-лига доирасида сафарда "Ноттингем Форест" устидан қозонилган ғалабани (1:0) нишонлади. Ягона голга 38-дақиқада Омар Альдерете муаллифлик қилди. Opta’нинг қайд этишича, "қора мушуклар"нинг 11 очко тўплаши - АПЛ янги жамоалари учун 2012/13 йилги мавсумдан буён 6 турдан кейин энг яхши кўрсаткичдир, ўшанда "Вест Хэм" ҳам худди шундай натижага эришганди. Бундан ташқари, бу "Сандерленд"нинг сўнгги 58 йил ичида Англия олий дивизионидаги клуб рекорди ҳисобланади.
Режис ле Бри жамоаси айни дамда пешқадам "Ливерпуль"дан 4 очко ортда қолиб, турнир жадвалида учинчи ўринни эгаллаб турибди.
