"Реал" шанба куни мавсумдаги илк мағлубиятини қабул қилиб олди. "Қаймоқранглилар" Мадрид дербисида "Атлетико"га 2:5 ҳисобида имкониятни бой бериб қўйди. Ўйиндан кейин "қаймоқранглилар" бош мураббийи Хаби Алонсо изоҳ берди.
"Бу оғир мағлубият. Лекин шундай жараён. Биз бундан сабоқ чиқарамиз. Биз содир бўлган воқеани таҳлил қилиб, хулоса чиқарамиз. Биз бу ўйинни унутмаймиз.
Жамоа бугун жанг қилмади. Биз "Реал"га керак бўлган даражага эриша олмадик. Иккинчи бўлимда бошқача ўйнашимиз керак эди. Биз ўз даражамизда эмасдик, курашмадик. Тўпларни олиб қўя олмадик. Бизга тезлик етишмади.
Бу мавсумдаги илк мағлубиятимиз. Биламан, бу хафа қилади. Аммо мавсум энди бошланди. Биз хулоса чиқаришимиз ва такомиллашишимиз керак," - деди Алонсо журналистларга.
"Реал" навбатдаги ўйинини 30 сентябрь куни Чемпионлар лигаси доирасида "Қайрат" меҳмони бўлади.
