"Комо" ҳужумкор ярим ҳимоячиси Николас Пас "Манчестер Юнайтед" эътиборига тушди. Бу ҳақда инсайдер Николо Скира хабар бермоқда.
Манбага кўра, 27 сентябрь куни "қизил иблислар" скаутлари Италия чемпионатининг 5-туридан ўрин олган "Комо" ва "Кремонезе" жамоалари ўртасидаги ўйинда Николас Паснинг ўйинини баҳолаш учун ташриф буюришган. Айтиш керакки, ўтган трансферлар даврида "Комо" "Реал"нинг илтимосига кўра аргентиналик футболчини "Тоттенхэм"га 60 миллион еврога сотишдан бош тортган эди. "Қаймоқранглилар" келаси ёзда футболчининг шартномасидаги махсус банддан фойдаланиб, ўз тарбияланувчисини 10 миллион еврога қайтаришни режалаштирмоқда.
Бу мавсумда 21 ёшли Пас барча мусобақаларда олтита ўйинда майдонга тушиб, учта гол урди ва учта голли узатмани амалга оширди.
