Бугун, 28 сентябрь куни Испания чемпионатининг 7-туридан ўрин олган "Барселона" ҳамда "Реал Сосьедад" жамоалари ўзаро баҳс олиб боради. Учрашув Тошкент вақти билан 21:30 да бошланади.
Таҳлилчилар 72,6 фоиз эҳтимол билан "Барселона"нинг ғалабасини, 17,2 фоиз эҳтимол билан дуранг, 10,2 фоиз эҳтимол билан "Реал Сосьедад"нинг ғалабасини тахмин қилмоқда.
Эслатиб ўтамиз, 27 сентябрь, шанба куни "Реал" "Атлетико"га 2:5 ҳисобида ютқазган бўлса, "Барселона" бугунги баҳсда ғалаба қозонса, турнир жадвалида биринчи ўринга кўтарилади ва Мадрид жамоасидан бир очко олдинда бўлади.
