Bugun, 28 sentyabr kuni Ispaniya chempionatining 7-turidan o‘rin olgan "Barselona" hamda "Real Sosyedad" jamoalari o‘zaro bahs olib boradi. Uchrashuv Toshkent vaqti bilan 21:30 da boshlanadi.
Tahlilchilar 72,6 foiz ehtimol bilan "Barselona"ning g‘alabasini, 17,2 foiz ehtimol bilan durang, 10,2 foiz ehtimol bilan "Real Sosyedad"ning g‘alabasini taxmin qilmoqda.
Eslatib o‘tamiz, 27 sentyabr, shanba kuni "Real" "Atletiko"ga 2:5 hisobida yutqazgan bo‘lsa, "Barselona" bugungi bahsda g‘alaba qozonsa, turnir jadvalida birinchi o‘ringa ko‘tariladi va Madrid jamoasidan bir ochko oldinda bo‘ladi.
