Мадриднинг "Реал" клуби тарбияланувчиси, ҳозирда Италиянинг "Комо" клубида тўп тепаётган Николас Пас Англия Премьер-лигасининг топ-клубларидан бирига ўтиши мумкин. Бу ҳақда Caught Offside хабар бермоқда.
Манбага кўра, 21 ёшли хавбек хизматига Лондоннинг "Челси" клуби қизиқиш билдирмоқда. "Аристократлар" "қироллик клуби"га футболчини қайтаришга тўсқинлик қилмоқчи. "Қаймоқранглилар" келаси йилнинг ёзида Пасни қайта сотиб олиш имкониятидан фойдаланишни режалаштирмоқда.
Эслатиб ўтамиз, ярим ҳимоячи "Комо" сафига ўтган йилнинг ёзида келиб қўшилган эди. Томонлар ўртасидаги амалдаги меҳнат шартномасининг муддати 2028 йил ўрталарида тугайди.
