"Ливерпуль" "Эвертон" марказий ҳимоячиси Жарред Брантуэйт учун "Манчестер Юнайтед" билан рақобатлашмоқчи. Бу ҳақда Sunday Mirror хабар берди.
Қайд этилишича, футболчи аллақачон "қизил иблислар"нинг қисқа рўйхатида бор. Бироқ, "Ливерпуль" ёзда "Кристал Пэлас" ҳимоячиси Марк Гэхини сотиб ололмагани сабабли, "қизиллар" Брантуэйтни қўлга киритишга ҳаракат қилиши мумкин.
"Эвертон" эса 23 ёшли футболчини сақлаб қолиш фикридан воз кечмаган. Унинг клуб билан шартномаси 2030 йилгача амал қилади. Маълумотларга кўра, "Юнайтед" қишда футболчи учун 65 миллион фунт стерлинг атрофида таклиф бериши мумкин.
Жарред Брантуэйт "Эвертон" сафида 86 та ўйин ўтказган. У ўша ўйинларда тўрт марта гол урган ва икки марта голли узатма берган.













