Мадриднинг "Атлетико" клуби ҳужумчиси Хулиан Альварес "Барселона"нинг эҳтимолий трансфер мақсадларидан бири ҳисобланади.
Аргентиналик юлдуз сўнгги мавсумни Каталония клубида ўтказаётган Роберт Левандовскининг эҳтимолий вориси сифатида тилга олинмоқда. El Nacional нашри тарқатган хабарга кўра "матрасчилар" форвардининг ўзи ҳам келаси ёзда "Барселона"га ўтиш имконияти туғилса, хурсанд бўлади. "Кўк-анорранглилар" учун ўйинчининг юқори нархи муаммо бўлиши мумкин.
Transfermarkt портали Хулиан Альвареснинг нархини 100 млн еврога баҳоламоқда. 25 ёшли футболчининг "Атлетико" билан амалдаги шартномаси 2030 йилнинг ярмигача мўлжалланган.
