"Милан" жамоаси бош мураббийи Массимилиано Аллегри жамоанинг А Серия жорий мавсумидаги вазифаси ҳақида гапириб берди.
"Россонерилар" "Наполи"ни мағлуб этиб (2:1), 5 турдан сўнг 12 очко билан турнир жадвалида биринчи ўринга чиқиб олди. Худди шу "Наполи" ва "Рома" ҳисобида ҳам шунча очко бор, аммо голлар фарқи унчалик катта эмас.
"Футболчилар ишлаш иштиёқида ёнмоқда ва мақсадимиз Чемпионлар лигасига қайтиш эканини жуда яхши тушуниб турибди. Бунинг учун биз яна 64 очко тўплашимиз керак, шунинг учун хотиржам, ғалабалардан завқланиб, лекин ҳаяжонланмасдан, қадам-бақадам олдинга силжишимиз керак," - деди Аллегри матбуот анжуманида.
