"Наполи" бош мураббийи Антонио Конте "Милан"га қарши ўйинда (1:2) захирага олинган Кевин де Брюйне ҳақидаги саволга жавоб қайтарди.

Белгиялик футболчи 60-дақиқада пенальтини аниқ амалга ошириб, орадаги фарқни қисқартирди, 72-дақиқада эса захирага олинди, бу эса уни хурсанд қилмади. Қолган вақтда неаполликлар 57-дақиқадан бошлаб 10 киши бўлиб ўйнаган "россонерилар"га гол ура олмади.

"Мен ўйинни янгилашни истадим - ўша пайтда ўзгаришлар ўринли бўлган деб ҳисоблайман, чунки "Милан" кучсизланиб қолганди. Умид қиламанки, де Брюйне ўйинни тарк этаётганда натижадан жаҳли чиққан, агар бошқа нарса уни ғазаблантирган бўлса, демак у нотўғри одам билан боғланган," - дея жавоб қайтарди Конте DAZN билан суҳбатда.