Якшанба куни Лондоннинг "Арсенал" клуби "Ньюкасл"ни (2:1) ўйин охирида киритилган икки гол эвазига мағлубиятга учратди.
"Қарғалар" биринчи бўлимда Ник Вольтемаденинг саъй-ҳаракатлари билан олдинга ўтиб олганди. Меҳмонлардан 84-дақиқада Микель Мерино ўз ҳисобига гол ёздириб қўйган бўлса, 90+6-дақиқада Габриэль дос Сантос "канонирлар"га ғалаба келтирди.
"Ньюкасл" бош мураббийи Эдди Хау 82-дақиқада захирадан майдонга тушган ва ҳал қилувчи гол муаллифига ассистентлик қилган Мартин Эдегорнинг хизматларини эътироф этди.
"Ўйин охирида икки марта гол ўтказиб юбориш жуда ачинарли, аммо биз энг яхши ўйинимизни кўрсата олмаганимизни тан олишимиз керак. Агар фидойилик ҳақида гапирадиган бўлсак, эътироз йўқ, аммо футбол сифати билан боғлиқ муаммолар бор эди. Биз "Арсенал"га доимий равишда бурчак зарбалари ишлаб олишга имкон бердик, бу эса ҳал қилувчи омилга айланди. Менимча, Эдегорнинг майдонга тушиши рақибларга катта ёрдам берди. Босимни кўтара олмадик," - деди Хау Sky Sports’га берган интервьюсида.
"Ньюкасл" 6 турдан сўнг 6 очко жамғарган ҳолда АПЛ турнир жадвалида 15-ўринда бормоқда.
