Yakshanba kuni Londonning "Arsenal" klubi "Nyukasl"ni (2:1) o‘yin oxirida kiritilgan ikki gol evaziga mag‘lubiyatga uchratdi.
"Qarg‘alar" birinchi bo‘limda Nik Voltemadening sa’y-harakatlari bilan oldinga o‘tib olgandi. Mehmonlardan 84-daqiqada Mikel Merino o‘z hisobiga gol yozdirib qo‘ygan bo‘lsa, 90+6-daqiqada Gabriel dos Santos "kanonirlar"ga g‘alaba keltirdi.
"Nyukasl" bosh murabbiyi Eddi Xau 82-daqiqada zaxiradan maydonga tushgan va hal qiluvchi gol muallifiga assistentlik qilgan Martin Edegorning xizmatlarini e’tirof etdi.
"O‘yin oxirida ikki marta gol o‘tkazib yuborish juda achinarli, ammo biz eng yaxshi o‘yinimizni ko‘rsata olmaganimizni tan olishimiz kerak. Agar fidoyilik haqida gapiradigan bo‘lsak, e’tiroz yo‘q, ammo futbol sifati bilan bog‘liq muammolar bor edi. Biz "Arsenal"ga doimiy ravishda burchak zarbalari ishlab olishga imkon berdik, bu esa hal qiluvchi omilga aylandi. Menimcha, Edegorning maydonga tushishi raqiblarga katta yordam berdi. Bosimni ko‘tara olmadik," - dedi Xau Sky Sports’ga bergan intervyusida.
"Nyukasl" 6 turdan so‘ng 6 ochko jamg‘argan holda APL turnir jadvalida 15-o‘rinda bormoqda.
