"Барселона" бош мураббийи Ханс-Дитер Флик ярим ҳимоячилар Френки де Йонг ва Педри ҳақида фикр билдирди.
Якшанба куни нидерландиялик ва испаниялик футболчи Ла Лига доирасида "Реал Сосьедад"га қарши ўйинда майдон марказида дуэт ҳосил қилишди. Учрашув Каталония грандининг ғалабаси билан якунланди (2:1).
"Френки ва Педри - икки ажойиб ўйинчи, улар бир-бирини жуда яхши тушунади ва бир-бирига мос тушади. Уларнинг майдондаги ўзаро ҳаракатларини кузатиш жуда ёқимли," - дея Фликнинг сўзларини келтиради испан ОАВ.
Чоршанба куни "Барселона" Чемпионлар лигаси умумий босқичининг 2-туридан ўрин олган ўйинда ўз майдонида "ПСЖ"ни қабул қилади. Ўйин Тошкент вақти билан 00:00 да бошланади.
