"Барселона" спорт директори Деку Криштиану Роналду ва Лионель Мессини таққослади.
Ўз вақтида машҳур собиқ ярим ҳимоячи Португалия терма жамоасида Роналду билан, "Барселона"да эса Месси билан ўйнашга улгурган.
"Уларнинг характери ҳар хил, лекин иккаласи ҳам даҳо. Улар 15 йилдан кўпроқ вақтни энг юқори даражада ўтказишди - бу ақл бовар қилмайдиган, ғайритабиий ҳолат. Нафақат футбол, балки бутун спорт учун жуда кам учрайдиган ҳодиса. Иккаласи ҳам руҳий кучга эга бўлиб, бу борада уларга ҳеч ким тенг келолмайди. Уларнинг ўхшашлиги ҳам шунда," - деди у интервьюда.
Айни дамда Роналду Саудия Арабистонида "Ан-Наср" сафида тўп тепмоқда. Месси МЛСнинг "Интер Майами" клуби шарафини ҳимоя қилмоқда.
