Мадриднинг "Реал" клуби устози Хаби Алонсо "Атлетико"га қарши дербидаги йирик мағлубият ҳақида гапирди. Испания чемпионати 7-туридан ўрин олган учрашув 2:5 ҳисобида якунланди.
"Дербида жанговар руҳнинг йўқлиги? Биз буни ортда қолдиришимиз керак. Кўп вақт ўтди ва биз эртага нима қилишимиз ҳақида ўйлаяпмиз. Биз очко йўқотишни истамаймиз," - деди Алонсо матбуот анжуманида.
Эртага, 30 сентябрь куни "Реал" Қозоғистоннинг "Қайрат" жамоаси меҳмони бўлади. УЕФА Чемпионлар лигаси лига босқичининг 2-тур учрашуви Тошкент вақти билан соат 21:45 да старт олиши режалаштирилган.
