Лионель Месси мавсумнинг энг яхши ёш футболчисига топшириладиган Кубок соврини учун кимларга овоз бергани маълум бўлди. Месси 1-ўринга "Барселона" вингери Ламин Ямални, 2-ўринга "ПСЖ" форварди Дезире Дуэни, 3-ўринга "Барселона" ҳимоячиси Пау Кубарсини қўйди.
Маълумки, Копа совринини кетма-кет иккинчи йил Ламин Ямал қўлга киритди. "Барселона"нинг 18 ёшли футболчиси бир ҳафта олдин Парижда бўлиб ўтган "Олтин тўп" оқшомида совринни қўлга киритган эди.
Дарвоқе, "Олтин тўп" учун овоз беришда Ламин Ямал Усмон Дембеледан кейин иккинчи ўринни эгаллади.
Лионель Месси айни дамда МЛСда "Интер Майами" шарафини ҳимоя қилмоқда.













