"Арсенал" тез орада Франция терма жамоаси ҳимоячиси Вильям Салиба билан янги шартнома имзолаганини эълон қилади, деб хабар берди Х ижтимоий тармоғида инсайдер Фабрицио Романо.
Манбага кўра, келишув 2030 йилгача мўлжалланган. Барча ҳужжатлар имзоланган, битим маъқулланган.
Салиба "Арсенал" сафида 2019 йилдан буён тўп тепиб келмоқда. 24 ёшли француз бу мавсумда барча мусобақаларда 6та ўйинда майдонга тушди ва 1та голга ҳаммуаллифлик қилди.













