29 сентябрь куни Миланда Хитой футбол федерацияси ва Фабио Каннаваро ўртасида музокаралар ўтказилган.
Манбага кўра, хитойликлар италияликни терма жамоани бошқаришга кўндириш учун янги таклиф тайёрлаган. Аввалроқ Каннаваро уларнинг таклифини рад этганди - у Европадан таклиф бўлишига умид қилганди.
Эслатиб ўтамиз, Каннаваро аввал ҳам Хитойда ишлаш тажрибасига эга бўлган: у 2014-2015 йилларда "Гуанчжоу" клубини бошқарган, 2017-2021 йилларда эса яна шу жамоани бошқарган. 2019 йилнинг баҳорида у Хитой терма жамоаси бош мураббийи вазифасини вақтинча бажарган ва унинг қўл остидаги жамоа иккита ўртоқлик ўйинида - Ўзбекистон ва Таиландга ютқазган.
Каннаваро ишлаган сўнгги клуб Загребнинг "Динамо" клуби эди. У 3,5 ойдан сўнг апрель ойида бу лавозимни тарк этди.
