"Ливерпуль" ва "Боруссия" Дортмунд клубларининг собиқ устози Юрген Клопп энди мураббий сифатида ишламаслигини тан олди.
"Ливерпуль"дан кетганимдан кейин дам олдим. Ҳаётдан завқландим, набираларим билан вақт ўтказдим. Лекин узоқ вақт ишсиз юролмаслигимни тушунардим. Аммо бош мураббий лавозимига қайтишим даргумонлигини билардим. Менимча, бошқа ҳеч қачон мураббий бўлмайман. Гарчи келажакда нима бўлишини олдиндан билолмасак ҳам," - дея германиялик мутахассиснинг сўзларини келтиради The Athletic.
Эслатиб ўтамиз, Клопп "Ливерпуль" билан бирга Англия Премьер-лигаси чемпиони, шунингдек, Европа Чемпионлар лигаси ғолиби бўлганди. Ҳозирда немис мутахассиси "Ред Булл" футбол тизимида ишлайди.
