"Челси" Чемпионлар Лигаси умумий босқич 2-туридан ўрин олган "Бенфика"га қарши баҳсда ғалаба қозонди - 1:0. Ўйин Лондондаги "Стэмфорд Бриж" стадионида бўлиб ўтди.

Учрашувнинг 18-дақиқасида Португалия жамоаси ярим ҳимоячиси Ричард Риос ўз дарвозасини ишғол қилиб, мезбонларни ҳисобда олдинга олиб чиқди. "Челси" 90+6-дақиқада Жоао Педронинг қўпол ўйини туфайли майдондан четлатилгач, бир киши кам бўлиб қолди.

Англия жамоаси (3 очко) турнир жадвалида 17-поғонани эгаллаб турибди. Португалия клуби (0) эса 30-поғонадан жой олган.

Чемпионлар Лигаси умумий босқичининг 1-турида "Челси" "Бавария"га (1:3), "Бенфика" эса "Қорабоғ"га (2:3) имкониятни бой берганди.

"Шерлар" Чемпионлар лигасидаги навбатдаги ўйинини 22 октябрь куни "Аякс"га қарши ўтказади, "бургутлар" бир кун олдин "Ньюкасл" билан ўйнайди.

Чемпионлар Лигаси, 2-тур
30.09.2025, сешанба, 23:59
Челси - Бенфика - 1:0
Гол: Риос, 18 - автогол (1:0)
Челси: Санчес, Бадиашиле (Джеймс, 80), Чалоба, Кукурелья, Гюсто (Ачимпонг, 80), Фернандес, Кайседо, Буонанотте (Эстеван, 54), Гарначо (Гиттенс, 61), Педру Нету, Джордж (Жоао Педро, 61)
Бенфика: Трубин, Силва (Араужу, 73), Отаменди, Даль, Дедич, Барренечеа, Риос (Баррейру, 77), Эурснес (Энрике Араужу, 89), Судаков (Иванович, 77), Лукебакио (Шельдеруп, 77), Павлидис
Огоҳлантиришлар: Фернандес, 45. Буонанотте, 46. Жоао Педро, 62. Педру Нету, 88 - Барренечеа, 34. Риос, 49. Эурснес, 64. Отаменди, 83
Четлатиш: Жоао Педро, 90 (иккинчи сариқ карточка)