"Манчестер Юнайтед" ҳужумчиси Жошуа Зиркзее қишки трансферлар даврида Италияга қайтиши мумкин.
Нидерландиялик футболчи "қизил иблислар" бош мураббийи Рубен Аморимнинг режаларига мос келмаяпти - футболчи жорий мавсумда майдонда атиги 82 дақиқа ўйнади. "Transfer News Live"нинг Corriere Como нашрига таяниб хабар беришича, "Комо" 24 ёшли футболчини январь ойидаги трансфер мақсадларидан бири сифатида белгилаган.
Жошуа Зиркзе "Манчестер Юнайтед"га 2024 йилнинг ёзида Италиянинг "Болонья" клубидан 42,5 млн евро эвазига ўтганди. Ҳужумчининг ҳозирги нархи машҳур Transfermarkt портали экспертлари томонидан 30 млн еврога баҳоланмоқда.













