Мадриднинг "Реал" клуби ярим ҳимоячиси Дани Себальос Чемпионлар лигаси доирасидаги "Қайрат"га (5:0) қарши ўйинда Тибо Куртуанинг голли узатмаси ҳақида гапирди.
Бельгиялик дарвозабон "қаймоқранглилар"га нафақат дарвозани дахлсиз сақлашга ёрдам берди, балки гол уришда бевосита иштирок этди: 52-дақиқада дарвозабон Килиан Мбаппега ассистентлик қилди, у таблода 2:0 ҳисобини ўрнатди. Кейинроқ франциялик хет-трик қайд этган бўлса, сўнгги дақиқаларда Эдуардо Камавинга ва Браим Диас меҳмонларнинг ўта йирик ғалабасини таъминлади.
«Сенинг голли узатмаларинг меникидан кўпроқ», - дея Себальос Куртуанинг ижтимоий тармоқдаги постига изоҳ қолдирган.
Тибо Куртуа "Реал" сафида 297 та ўйинда майдонга тушган, бироқ бунгача голли узатма бермаганди.
