Мадриднинг "Реал" клуби ҳужумчиси Килиан Мбаппе ҳужумдаги бразилиялик шериклари - Винисиус Жуниор ва Родриго ҳақида гапирди.
Сешанба куни француз "Қайрат"га қарши ўйинда (5:0) хет-трик қайд этди. Учрашув якунлангач, журналистлар ҳужумчидан бразилиялик жамоадошлари ҳақида сўрашди.
"Винисиус ва Родриго - жаҳон даражасидаги ўйинчилар. Улар ҳар хил, лекин иккиси ҳам биз учун жуда муҳим. Улар билан ўйнаётганимдан жуда фахрланаман, ўзаро муносабатларимиз жуда яхши," - деди Мбаппе TNT Sports’га берган интервьюсида.
4 октябрь, шанба куни Ла Лиганинг 8-турида Хаби Алонсо жамоаси ўз майдонида "Вильярреал"ни қабул қилади.
