Бразилия миллий терма жамоасининг собиқ футболчиси Жильберто Силва Лионель Мессини фаолиятини якунлаш борасида огоҳлантирди. Силванинг таъкидлашича, футболчи ўз фаолиятини тугатгач, ҳаёти аввалгидек мазмунли бўлмайди.
"Месси Америкадаги ҳаёти ва футболидан завқ олмоқда. Унинг карьерасини давом эттираётганидан хурсандман. Футболчи сифатида қўлингиздан келган барча нарсани қилишингиз керак, чунки фаолиятингизни тугатганингизда - бу сўнгги нуқта ҳисобланади. Орқага қайтиш имкони йўқ. Ҳаётда сизни майдондалик пайтингизда тўлқинлантирадиган ҳеч нарса бўлмайди," - деди Силва Oddspedia нашрига.
Бундан олдин, Лионель Месси яқин келажакда "Интер Майами" билан шартномани яна бир неча йилга узайтириши ҳақидаги маълумотлар пайдо бўлган эди.
