Braziliya milliy terma jamoasining sobiq futbolchisi Jilberto Silva Lionel Messini faoliyatini yakunlash borasida ogohlantirdi. Silvaning ta’kidlashicha, futbolchi o‘z faoliyatini tugatgach, hayoti avvalgidek mazmunli bo‘lmaydi.
"Messi Amerikadagi hayoti va futbolidan zavq olmoqda. Uning karyerasini davom ettirayotganidan xursandman. Futbolchi sifatida qo‘lingizdan kelgan barcha narsani qilishingiz kerak, chunki faoliyatingizni tugatganingizda - bu so‘nggi nuqta hisoblanadi. Orqaga qaytish imkoni yo‘q. Hayotda sizni maydondalik paytingizda to‘lqinlantiradigan hech narsa bo‘lmaydi," - dedi Silva Oddspedia nashriga.
Bundan oldin, Lionel Messi yaqin kelajakda "Inter Mayami" bilan shartnomani yana bir necha yilga uzaytirishi haqidagi ma’lumotlar paydo bo‘lgan edi.
