"Реал" собиқ футболчиси Эммануэль Адебайор икки машҳур ҳужумчи - Криштиану Роналду ва Лионель Мессининг ўйинини баҳолади.
"Мен учун Роналду ажойиб, фантастик футболчи. Агар Роналду ва Месси ўртасида танлов қилиш сўралса, ҳатто қабрда ҳам Роналдуни танлайман, чунки у билан бирга ўйнаганман ва қанчалик кучли эканлигини биламан," - дея Адебайорнинг сўзларини келтиради Stadium Astra.
Мутахассиснинг таъкидлашича, Роналду жуда меҳнаткаш ва ҳеч қачон таслим бўлмайди.
Португалиялик ҳужумчи 2023 йилдан бери Саудия Арабистонининг "Ан-Наср" жамоаси сафида ўйнамоқда. Роналду Ар-Риёд клуби учун 111 та ўйинда иштирок этиб, 98 та гол урган ва 20 та голли узатма берган.
