"Ювентус" Чемпионлар Лигаси умумий босқичининг 2-турида "Вильярреал" меҳмони бўлди ва 2:2 ҳисобида дуранг қайд этди.

Учрашувнинг 18-дақиқасида мезбонлар форварди Жорж Микаутадзе ҳисобни очди. 49-дақиқада туринликлар Федерико Гаттининг голи эвазига ҳисобни тенглаштирган бўлса, орадан 7 дақиқа ўтиб, Франсишку Консейсау ҳисобда "кекса синьора"ни олдинга олиб чиқди.

Учрашувнинг 90-дақиқасида Ренату Вейга гол уриб, испан клубига дуранг келтирди.

"Ювентус" (2 очко) Чемпионлар Лигасининг ушбу ўйинида иккинчи марта дуранг ўйнади. "Вильярреал" (1) умумий босқичдаги илк очкосини қўлга киритди.

"Вильярреал" кейинги турда ўз майдонида "Манчестер Сити"га қарши баҳс олиб боради. Ўйин 21 октябрь куни бўлиб ўтади. "Ювентус" 22 октябрь куни "Реал" меҳмони бўлади.

Чемпионлар лигаси, 2-тур

01.10.2025, чоршанба, 23:59

Вильярреал - Ювентус - 2:2

Голлар: Микаутадзе, 18 (1:0). Гатти, 49 (1:1). Консейсау, 56 (1:2). Вейга, 90 (2:2)

Вильярреал: Тенас, Марин, Вейга, Педраса (Кардона, 76), Моуриньо, Парехо (Молейро, 64), Гей, Комесанья, Бьюкенен (Олувасейи, 64), Микаутадзе (Ахомах, 76), Пепе

Ювентус: Перин, Гатти, Келли, Калюлю, Локателли, Маккенни, Кабаль (Жоао Мариу, 16), Камбьясо (Ругани, 80), Копмейнерс (Консейсау, 46), Кенан Йилдиз (Аджич, 80), Давид (Влахович, 86)

Огоҳлантиришлар: Ахомах, 85 - Кабаль, 6. Камбьясо, 77. Консейсау, 90