Франция терма жамоаси бош мураббийи Дидье Дешам Поль Погбанинг жамоага қайтиши ҳақида фикр билдирди. Октябрь ойида ярим ҳимоячи "Монако"да ўйинларда иштирок этишни бошлаши кутилмоқда.
"Ҳа, у майдонга қайтиш арафасида. У Франция терма жамоасига қайтадими? У шуни истаётганига ва бу унинг мақсади эканлигига шубҳа қилмайман. Унинг биринчи қадами - "Монако" либосини кийиб, майдонга тушиш. Умид қиламанки, унинг учун ҳамма нарса муваффақиятли бўлади. У ёғини кўрамиз.
Погбанинг Франция терма жамоасига қайтиши мумкинми? Агар мен "ҳа" десам, бу "Вау, Погба қайтиб келади" бўлади. Агар мен "йўқ" десам, аҳмоқ бўлиб қоламан, чунки бу ҳам иш бермайди. Ҳозир мен унга биринчи қадамни қўйишини тилаб қоламан," - деди Дешам журналистларга.
