"Рома"нинг собиқ бош мураббийи Даниэле де Росси А Серия клубини бошқариши мумкин, дея хабар бермоқда инсайдер Николо Скира.
Манбага кўра, 41 ёшли мутахассис “Торино”ни бошқариш учун асосий даъвогар сифатида кўрсатилмоқда.
Турин клуби Марко Баронини истеъфога чиқариши мумкин. Шанба куни жамоа “Лацио”га ютқазадиган бўлса, клуб мураббийлар штабида ўзгаришни амалга оширишга тайёрланмоқда.
Маълумот учун, “Торино” Италия чемпионати турнир жадвалида 4 очко билан 15-ўринни эгаллаб турибди.













