"Манчестер Юнайтед"ни мураббий алмаштириши ҳақидаги миш-мишлар давом этмоқда, гарчи клуб раҳбарлари Рубен Аморимга 2025/2026 йилги бутун мавсумни жамоа қуриш учун беришга тайёр эканлиги ҳақида маълумотлар пайдо бўлган бўлса-да.

Матбуот "қизил иблислар"ни Гарет Саутгейт, Хави ва Оливер Гласнер каби мутахассислар билан боғламоқда. Шу билан бирга, манкунианлар кутилмаган қарор қабул қилишлари ҳам мумкин. Transfer News Live нашрининг Corriere Como манбасига кўра, "МЮ"ни Сеск Фабрегас бошқариши мумкин. Премьер-лиганинг етакчи клуби Фабрегасни кузатиб бормоқда ва агар у таклиф қилинса, уни узоқ муддатли янги лойиҳа учун энг муносиб номзод деб ҳисобламоқда.

Ҳозирги кунда 38 ёшли Сеск Фабрегас Италияда "Комо" жамоасига мураббийлик қилмоқда.