Германия терма жамоаси ва Мюнхеннинг "Бавария" клуби собиқ дарвозабони Оливер Кан юлдуз вингер Лерой Саненинг Истанбулнинг "Галатасарой" клубига ўтишига ўз муносабатини билдирди.
"Сане - ажойиб футболчи. У топ-клубда ўйнаш учун мутлақо барча фазилатларга эга. Агар ўзи хоҳламаса, бу унинг танлови. Энди у "Галатасарой"да ўз ўрнини топиши керак", - дея афсонавий дарвозабоннинг сўзларини келтиради Sky Sport.
29 ёшли Сане ўтган ёзда эркин агент сифатида Туркия клубига ўтган эди. Лерой "Галатасарой" билан уч йиллик меҳнат шартномасини имзолади. Футболчининг бозор нархи 25 миллион еврони ташкил этади.
Вингер жорий мавсум Туркия Суперлигасида 7 та ўйинда майдонга тушди ва ўз ҳисобига гол ҳамда голли узатма ёздириб қўйишга эришди.
